ازاى اشتغل فى مجال الـ HR ؟؟

ازاى اشتغل فى مجال الـ HR  ؟؟

مبدئيا كدة الـ HR  هو اختصار لكلمة Human Resource  يعنى الموارد البشرية بالعربي وهى همزة الوصل او الوسيط بين الادارة العليا والموظفين وهى الادارة المسئولة فى الشركة عن كل مايخص الموظفين من استقطابهم وجذبهم واختيارهم وتنمية مهاراتهم وتطويرهم  وتحفيزهم حسب الاستراتيجيات الل محددها الشركة

وظائف ادارة HR دي بشكل عام ؟
 التخطيط – التوظيف - تحليل الوظائف - الاختيار و التعيين – المقابلات – المرتبات – التدريب - تقييم الاداء - المزايا و التعويضات - الاجور و المرتبات

تعالوا بقى نتعرف على اقسام المجال الـ HR

• Training & Development

• Recruitment & Selection
• Performance Management
• Compensation & Benefits
• Man Resources Planning

نصائح لدخول مجال الـ HR

ولازم تعرف كل قسم عباره عن ايه ومحتاج مهارات ايه وايه هو التسلسل الوظيفي للـ HR

الاول بقى ندخل ازاى تدخل المجال

اعمل سيرش على النت واقرا فى المجال شوية واساسياته وايه هي وظيفته القراءة هتسهل عليك تعرف ايه المهارات الل انت محتاجها وهل هي متوافره فيك ولا هتبدي تنميها وتكتسبها زى مثلا مهارات التواصل ومهارات التفاوض والقيادة والاستماع والتخطيط وحل المشكلات والتحليل والتنبؤ

تبتدي تدور على كورس مجاني على اليوتيوب مثلا عن وظائف الـHR زي اعداد هيكل الاجور وانزل اتطوع لجمعية خيره انك تعملها هيكل الاجور هتكتسب الخبره العملية وتبقي اشتغلت عملي او اعمل خطه تدريبيه لشركة صغيره بتاعه واحد صاحبك مثلا خدمه منك ليه برده انت ماخسرتش حاجة انت اتدربت عملي وبدون ماتدفع فلوس عشان تبنى الـ Career  بتاعك

اوعى تبتدي تاخد كورسات قبل ماتشتغل فى المجال لانها غالبا بتبق غالية والرخيص فيها مش هتستفاد منه اوى ومش بيكون معتمد

واهم حاجة انت اللي بتحدد لنفسك سعر فى السوق وبتمن نفسك من خلال شويه حاجات اهتم بها زي شغلكوخبرتك ومساهمتك وانجازاتك فى المكان

لو بتدور على مرتب ماتشتغلش فى شركات Start Up   الماديات فيها مش حلو اوي

ماتستعجلش اشتغل على نفسك واصبر وهتوصل ان شاء الله وهتاخد مبالغ مجزية دا طول ماانت بتطور من نفسك وخبراتك و خلى بالك انت راس مالك هو دماغك لازن تستثمر فيها كويس جداااا

الاول كدة لازم تاخد بالك وتعرف الفرق بين HRM  و HRD

HRM = Human Resource Management ادارة الموارد البشرية   =

 وده الادارة الل اتكلمنا عنها فوق

HRD = Human Resource Development =  تنمية الموارد البشرية

وديه بقى المسئولة عن مساعدة الموظفين لنهم يطوروا من مهاراتهم الشخصية والذات وبناء الشخصيه وبيعتمدوا اكتر على علم النفس والعلوم السلوكية لتحفيز الموظفين ومساعدتهم على ادارة الوقت ومصدر حماس ليهم

التسلسل فى وظيفة الـ HR

اول ما هتبدأ الشغل  هتكون    HR Coordinator / HR Assistant
وظيفته ايه ؟
بيشارك فى التخطيط واعداد البرامج التنفيذية لادارة الموارد البشرية وينفذها وبيسجل جميع قرارات التعيين والفصل والاستقالات والاجازات وبيعمل كشوف الترقيات والمرتبات ومسئول عن حفظ ملفات العاملين وبيكتب تقارير التقييم السنوية ومسئول عن متابعة الحضور والانصراف والغياب للموظفين .

وبعد كده   HR Specialist
وده بيكون متخصص فى وظيفة او اكثر زى التدريب او التوظيف او التقييم وممكن الـHR Specialist  يتسمى باسم التخصص او المهمة اللى بيعملها زى :
- Recruiter  وده بيكون مسئول عن الاختيار والتعيين
- Training & Development  وده بيكون مسئول عن التدريب وتطوير مهارات العاملين
- Compensation and Benefits Specialist  وده مسئول عن المزايا والتعويضات
- HRIS Specialist  وده مسئول عن النظام المستخدم فى ادارة الموارد البشرية زى الـ SAP,Oracal

وبعدين Senior HR Specialist وده بيبقى بنفس اختصاصات الـ HR Specialist بس بيكون معاه صلاحيات اكتر لانه بيكون المدير المباشر ليهم

وبعد كده هتكون HR Supervisor وده مشرف موارد بشرية
هو اللى بيشرف على الـ Orientation و الـ applicant interviews و الـ Retirement Workshop  والتواصل مع الادارات الاخرى بغرض تقديم المعلومات والمساعدة وبينسق عملية التوظيف وهو اللى بيقيم البرامج التدريبية.

وبعد كده هتبقى HR Assistant Manager وده بقى مساعد مدير الـHR

وهتكون HR Manager وده مسئول عن عمل الوصف الوظيفى لكل الوظائف وبيتابع تقييم الاداء وبيعمل ميزانية الاجور وبيختار المقبولين فى الوظائف وبيتابع التطورات فى سوق العمل وبيشرف على برامج التدريب للموظفيين وهو المسئول عن كل الوظائف بقى بتاعه الاتش ار

 Senior HR Manager وده كبير مديرين الـHR

وبمجهودك وشطارتك هتبقى بإذن الله  HR Director وده مدير ادارة الموارد البشرية
وبيشرف على الاتش ارجية اللى شغالين فى ادارة الموارد البشرية فى الشركة وبيقدم التوصيات لباقى الادارات وبيقييم وبيشارك فى تنمية مهارات الموظفيين.

وهتوصل بقى لـ Vice President وده نائب رئيس الشركة
وده بقى ايه بيحضر اجتماعات مجلس الادارة
وبيشرف على كل اللى انا اتكلمت عليهم دلوقتى عشان يضمن تطبيق سياسات الشركة وهو اللى بيشرف على وضع الميزانية