12نصيحة للاكتساب الخبره عند التخرج من الكليه

نصائح للطلبه الكليات لاكتساب الخبرات عند التخرج

من خلال خبرتي العمليه في سوق العمل هناك 12 نصيحة لازم تاخد بالك منها وهي

1- استعين بالله واسعي وان شاء الله هتوصل واتمسك بحلمك. 

2- حدد هدفك لازم تقعد مع نفسك وتشوف انت عاوز تكون ايه؟  وقسمه لمجموعه اهداف فرعيه صغيره وحط لنفسك خطه لتنفيذها. 

3- حدد مناطق القوه يعني انت شاطر في ايه مثلا بتحفظ بسرعه يبق ده هيساعدك فحفظ اللغه وتطويرها اَو انت حد اجتماعي جدا يبق اشتغل علي ده واشترك في جروبات تساعدك تطور مهاراتك شوف انت بتعرف تعمل ايه. 

4- ادرس السوق العمل واحتياجاته ايه ودور علي الفرص الل ممكن تستفاد منها مثلا اوقات بتقدم الجامعات منح للدراسه او كروسات باسعار رمزيه 

5- استغل وقت ف حاجه مفيده اتطوع في الجمعيات الخيرية واشتغل ففرق عمل هيساعدك جدا فانك تكتسب خبرات ََتنميها وتزود العلاقات الاجتماعيه بتاعتك

6- اختار المجال الل حابب تشتغل فيه وجمع عنه معلومات وادرسه كويس وشوف متطلباته ايه. 

7- حدد ايه هي نقط ضعفك زي مثلا اللغه الانجليزيه عندك ضعيفه ومحتاج تقويها يبق تاخد كروسات طب انا مش معايا فلوس يبق تدور لنفسك علي كروسات مجانا علي النت تتعلم منها طب انا كليتي عمليه ومافيش وقت يبق انظم وقتي او اشتغل علي نفسي فالاجازات ده اضعف الايمان بس انت تقدر.

8- قيم نفسك كل فتره وشوف انجزت ايه من مجموعه الاهداف الفرعيه الل هتوصلك للهدف الكبير.

9- اتعلم مهارات كتابه السي في وازاي تسوق نفسك في سوق العمل. 

10- واهم حاجة ابعد عن الناس الل بتضيع وقتك على الفاضى واصدقاء السوء وصاحب ديما الناس الايجابية.

11- اشترك مع الاتحادات والانشطه الطلابيه ووياسلام بقى لو كنت مشترك فى مشاريع تخرج اكتب عنها فى السي في بتاعك كانجاز ليك هتفيدك جداااا.

 

12- ممكن تبدا الكاريير بتاعك من وانت طالب عن طريق ال Freelancer اليوتيوب مليان فيديوهات عنه شوفها واتعلم . 

#انت_تقدر