ازاي اتغلب او اقلل من حده ضغوط العمل
كلنا بيجي علينا وقت بنضغط فيه ده اذا ماكنش طول الوقت مطلوب مننا مهام كتيره وفي وقت قصير جدا ويجي بق السؤال ازاي اتغلب عليه
هاقولك علي كام خطوه هتساعدك انك تتخلص من ضغط العمل او علي الاقل هتقلل حدته تعالي معايا اقولك قبل اي شئ استعن بالله وهو هيعينك ان شاء الله
١- عندك مهام كتير مطلوبه منك حدد اولوياتك الاهم فالمهم
٢- اتخلص من اي حاجه ممكن تعطلك زي التليفون مثلا او الايميلات مؤقتا لحد ماتخلص
٣- ماتركنش شغل لتاني يوم خلص مهامك اول باول
٤- استعمل قاعده ٨٠/٢٠ الل هي المهام المهمه عاده بتكون مثلا بنسبه ٢٠٪ من جمله المهام وف نفس الوقت بتحقق الاهداف بنسبه ٨٠٪
هافهمهالك بمثال
لو انت بتراجع ملفات عملاء مثلا وفواتير وعندك مثلا ٤ ملفات ل٤ عملاء كل واحد فيهم ليه فواتير بمليون جنيه وعندك تارجت تقفل ال٥ مليون وباقي الملفات بيتراوح مابين ٣٠ الف ل١٠٠ الف يبق ماتضيعش وقتك ف الملفات الصغير وتستهلك وقت عشان تجمع التارجت بتاعك اشتغل عل ٤ ملفات وهيسمع معاك ف التارجت انك عملت ٤ مليون وكمل الباقي من الملفات الاصغر فالاصغر
٥- ممكن تطلب مساعده حد من زمايلك ف المهام الاقل اهميه عشان ماتضيعش وقت
٦- كل يوم بعد ماتخلص شغلك اكتب انت خلصت ايه ووقفت لحد فين وخطط هتعمل ايه تاني يوم وترجمه عالورق عشان ماتضيعش وقت تاني يوم وتعرف انت هتبتدي منين
٧- اتدرب كل يوم انك تعمل مهامك الروتينيه فاقل وقت ممكن واتخلص من اي عادات ممكن تعطلك او تستهلك وقتك فيها
٨- من وقت للتاني افصل لمده ١٠ دقايق اسمع قرآن انزل صلي او اسمع موسيقى هاديه تعملك ريلاكس المهم افصل عشان تشحن طاقه
كل الموضوع محتاجه اداره وقت وهتعرف تغلب او تقلل حده الضغط
اتمني اكون فيدتكم ف موضوع اداره ضغوط العمل
من الاخر الموضوع محتاج
تعليقات
إرسال تعليق